Library / Religion / Mahal na Ejercicio � Devocion nang Pitong Arao na Domingo
[Transcriber's note: Tilde g in old Tagalog which is no longer used is
marked as ~g.]
[Paalala ng nagsalin: May kilay ang mga salitang "ng, mga," at iba pa
upang ipakita ang dating estilo sa pag-sulat ng Tagalog na sa ngayon
ay hindi na ginagamit.]
=MAHAL NA EJERCICIO=
�
=DEVOCION NANG PITONG ARAO NA DOMINGO,=
NA PINAGCALOOBAN NANG SANTO PAPA NANG
INDULGENCIA PLENARIA SA BALANG DOMINGO.
Sa capurihan nang pitong s�quit at pitong
ligaya nang malualhating Patriarca.
=SE�OR SAN JOSEF.=
Tinagalog ni
D. Antonio Florentino Puansen,
* * * * *
Maestro sa latinidad, at ipinalimbag n~gayon
nang man~ga P. P. Recoletos.
May lubos na capahintulutan
=MANILA:--1906=
Imprenta de Santos y Bernal
Echag�e 84, (Sta. Cruz.)
=DON LUIS REMEDIOS,=
Presb�tero, Secretario de C�mara Y Gobierno Del Arzobispado de
Manila.
Certifico que � la instancia presentada por Don Antonio Florentino
Puansen en solicitud de licencia de impresion, S. E. I. se ha servido
decretar lo siguiente:
Manila I.� de Octubre de 1874. Por las presentes y por lo que � Nos
toca, concedemos la licencia necesaria, para que pueda imprimirse el
manuscrito tagalo titulado =_Mahal na, Ejercicio, � Devocion nang
pitong arao na Domingo:=_ en atencion � que de nuestra �rden ha
sido examinado, y segun la censura no contiene cosa alguna contra el
dogma y la moral, y que ser� muy �til, para promover la devocion =_al
Se�or San Josef._= Librese por Secretar�a testimonio de este
decreto, y arch�vese original.--Gregorio, Arzobispo.--Por
mandado de S. E. I el Arzobispo mi Se�or.--Luis Remedios.
Y en cumplimiento del preinserto decreto, libro la presente
certificacion en Manila, � primero de Octubre de mil ochocientos
setenta y cuatro.--Luis Remedios.
[Larawan: Si Jesus at Josef.]
=JES�S, MAR�A, Y JOSEF.=
Ang devoci�n sa daquilang Patriarca San Josef, ay tumutub� at
sumusulong na para nang devoci�n sa malualhating Virgen Mar�a.
Natalastas nang man~ga tapat na loob na anac ni Mar�a, na itong mahal
na Ina ay nalulugod sa man~ga tan~ging galang at puri sa
calinis-linisang Esposo niya.
Sinasabi nang marunong at mabait na si Padre Faber, na ang unang dapat
tun~guhin nang ating devocion ay si Mar�a, at ang icalaua ay si San
Josef: at mapatototoohanan, na anomang pahayag sa capurihan nitong
maloualhating Patriarca, ay nababagay sa man~ga ugal� at asal nang
tunay na pag-cauili nang loob sa Dios.
Naquiquilala natin ang man~ga tunay na caibigan, ang man~ga
tumitin~gin, at totoong nagmamasaquit sa atin, cun tayo ay
pinagcacalooban n~g Dios nang caguinhauahan, � pinadadalhan cay� nang
man~ga hirap at parusa:[1] at sa bagay na ito ay parating inaalaala sa
atin nang Santa Iglesia ang man~ga misterios nang ligaya at hapis ni
Jes�s, Mar�a, y Josef, sapagcat ang totoong iniibig, ay sinasamahan sa
caguinhauahan, at dinadamayan sa hirap: cay� ang man~ga tapat na loob
na alipin ni San Josef, ay nauiuili sa alaala at pagninilay nang
pitong s�quit at pitong ligaya nitong daquilang Santo, at minamahal
nila ang pinan~gan~ganlang devocion nang pitong arao na Domingo. sa
uicang castil� ay Siete Domingos.
Itong mariquit na devocion ay minagaling nang man~ga Sumos Pont�fices,
na humalili cay San Pedro sa man~ga huling panahong ito, at
nilangcapan nila nang man~ga mahal na indulgencias, nang mahicayat ang
man~ga binyagan sa ganoon pagpuri cay San Josef.
Ang Sumo Pont�fice Gregorio D�cimosesto, sa 22 nang Enero nang taon
1836, ay nagcaloob nang 300 arao na indulgencia sa taimtim na
pagdadasal nang pitong ligaya at pitong s�quit ni San Josef, sa
balang isang arao nang Domingo, at isang indulgencia plenaria sa
catapusan � icapito: ang man~ga nasabing arao nang Domingo ay dapat
magsunodsunod sa loob nang taon, at bahalang pumili ang maghahain
nitong devocion.
Ang banal na Sumo Pont�fice Pio Nono, sa manin~gas na pagsinta sa
Virgen Mar�a, at sa pagnanasang maquilala, at mahalin saan man ang
devocion sa Esposo niyang si San Josef, ay nagcaloob naman nang isang
indulgencia plenaria,[2] na macacamtan sa balang isa sa pitong arao na
Domingo, at maipatutungcol sa m~ga caloloua sa Purgatorio. At inibig
pa niya na ang man~ga nasabing indulgencias, ay macamtan n~g man~ga
hindi marunong bumasa, � ualang maquitaan nang man~ga panalan~ging
nasusulat dito, cun sa balang isang arao nang Domingo, sa pitong
pipiliin, ay magdasal sila nang pitong Ama namin, pitong _Aba,
Guinoong Maria_ at pitong Gloria Patri.[3] Datapua cailan~gang
tandaan, na sinoman ang ibig magcamit nang indulgencia plenaria, ay
dapat dumulog sa confesi�n at sa comuni�n, at dumalao sa isang
simbahan, at doon ipanalan~gin ang Santa Iglesia ayon sa na sa loob
nang Santo Papa.[4]
Sa anyayang ito nang man~ga Sumos Pont�fices, ay nagmadaling gumanti
ang man~ga binyagang devotos ni San Josef, at ang camahalan nang
man~ga indulgencias, at ang capangyarihan nang man~ga himalang
ipinaquita nang Dios, na nauucol sa cagalingan nang man~ga nauiuili
sa devoc�on nang pitong arao na Domingo, at sa pilitang humicayat sa
caramihan, at cay� parating nadadagdagan ang man~ga tumatauag, at
humihin~gi nang sarisaring biyaya sa Poon San Josef.
Tinagalog co itong munting libro, at dito maquiquita ang man~ga
pagninilay at panalan~ging dapat basahin, at dasalin sa balang
Domingo, nang magalab alab ang man~ga pus� natin sa pagibig, at pag
hin~gi nang aua cay Jesus, Mar�a y Josef: at asahan nang sinoman na
ipagcacaloob nila ang man~ga biyayang ninanasa natin, cun mararapat sa
capurihan nang Dios, at sa cagalin~gan nang caloloua.
Ang pitong arao na Domingo ay dapat magsunod na ualang lactao, at
cailan man sumala sa anomang dahilan, ay cailan~gang magsauli sa unang
Domingo.
Sa pagcacamit nang man~ga indulgencias plenarias nitong mahal na
devocion � ejercicio, ay mapipili ang man~ga arao nang Domingo, na
nauuna � sumusunod sa man~ga fiestas ni San Josef,[5] � ang lalong
magalin~gin nang isa at isa, ayon sa cailan~gan niya, � alinsunod cay�
sa utos � hatol nang Confesor.
Taon taon, at cailan man cun ibiguin, ay mabuting ialay sa Santo
Patriarca itong mahal na devocion, na parang isang buis, � tanda nang
pagibig at pagquilala sa man~ga biyayang iguinagauad sa atin nang
daquilang aua niya, at nang tayo naman ay parating marapat sa caniyang
pagcacalin~ga sa buhay na ito, at lalong lalo sa panahon nang pagpanao
sa buhay na ito.
_Dadasalin muna ang panalan~gin nang pagsisisi, saca babasahin ang
pagninilay, at isusunod ang man~ga panalan~ging nagpapaalaala nang
pitong s�quit at pitong ligaya ni San Josef, na ang balang isa ay
sasamahan nang,_ Ama namin, Aba, Guinoong Mar�a, at Gloria Patri.
Sa tanda nang Santa Cruz, (krus) sa man~ga caauay namin (krus) iady�
mo cami,
Pan~ginoon namin Dios. (krus) Sa n~galan nang Ama, (krus) at nang
Anac, at nang Esp�ritu Santo. Amen.
=PANALAN~GIN NANG PAGSISISI.=
Pan~ginoon cong Jesucristo, aco ay sumasampalataya, at nananalig sa
iyo, at icao ay aquing iniibig lalo sa lahat nang bagay: iniisip co na
aco ay sinagana mo nang biyay�, at aco ay tacsil na hindi marunong
gumanti sa iyo, at sa bagay na ito ay nagugul� ang aquing loob, at aco
ay ualang magaua cundi humin~gi nang tauad sa iyo: caauan mo,
Pan~ginoon co, itong anac na suail: patauarin mo aco, at tunay na
pinagsisisihan co ang lahat cong casalanan, at lalong ibig co ang
mamatay sa moling magcasala. Quiniquilala co na hindi dapat sa aquin
ang aco ay patauarin; datapua inaasahan co ang biyayang ito alang
alang sa man~ga carapatan, at sa pamamaguitan ni San Josef, na
naturang ama mo, at siya ang nag alag� sa iyo. At icao, malualhating
Pintacasi co, daquilang Patriarca San Josef, tangapin mo aco, at
amponin, at igauad mo sa aquin ang nin~gas nang loob, na cailan~gang
igugol sa sandaling ito, nang marapat sa iyo ang iniaalay co sa
capurihan mo, at paquinaban~gan nang aquing caloloua. Siya naua, Jesus
Mar�a, y Josef.
_Basahing taimtim sa loob ang PAGNINILAY, at ang salit�ng nararapat sa
arao, at saca dasalin ang man~ga sumusunod na panalan~gin._
1. � calinislinisang Esposo, malualhating San Josef, na cun gaano ang
bagsic nang hapis at cas�quitan nang iyong pus�, niyong inisip mo na
icao ay dapat humiualay sa calinislinisan mong Esposa, ay gayon din
naman ang sigl� nang ligaya mo, niyong ipahayag sa iyo nang Angel ang
misterio nang pagcacatauan tauo nang Anac nang Dios.
Iniaamo namin sa iyo, alang alang sa s�quit mong ito, at sa humaliling
ligaya, na cami ay aliuin mo n~gayon, at sa panahon nang huling
pagpanao: igauad mo sa amin ang cailan~gang tulong nang gracia, nang
cami ay mabuhay sa cabanalan, at camtan namin ang mamatay na para mo,
sa man~ga camay ni Jesus at ni Mar�a.
Ama namin, Aba, Guinoong Mar�a, �t Gloria Patri.
2. � lubhang mapalad na Patriarca, malualhating San Josef, na nagcamit
nang mataas na caran~galan sa pagaalag� sa Anac nang Dios, na
nagcatauan tauo, at icao n~ga ay narapat na naturang Ama niya, cay�
nahapis ang iyong pus�, pagcaquita mo sa Ni�o Jesus, na ipinan~ganac
sa malaquing casalat�n, at icao naman ay totoong naligaya sa
maririquit na auit nang man~ga Angeles, at sa man~ga casayah�n nang
mahal at maliuanag na gabi nang pan~gan~ganac ni Mar�a.
Iniaamo namin sa iyo, pacundan~gan sa s�quit mong ito, at sa
humaliling ligaya, na cun cami ay papanao na sa lupa, hin~gin mo cay
Jes�s na ipagcaloob sa amin ang caniyang bendicion, nang cami ay
marapat na maquinig nang masasay�ng auit nang man~ga Angeles, at
camtan namin ang ualang hangang liuanag nang Lan~git.
Ama namin, Aba, Guinoong Maria, at Gloria Patri.
3. � tunay na ulir�n nang pagsunod sa man~ga utos nang Dios,
malualhating San Josef, na pagtul� nang Mahal na dug� nang sangol na
Mananacop, niyong siya ay sugatan sa arao nang circuncision, icaualo
nang pan~gan~ganac sa caniya, ay lubhang nahapis ang iyong puso, at
agad namang naligaya sa catamistamisang n~galang Jes�s, na itinauag mo
sa caniya.
Iniaamo namin sa iyo, alang-alang sa s�quit mong ito, at sa humaliling
ligaya, na matutuhan naming supilin ang masasam�ng pita nang catauan,
nang cami ay mamatay na payap�, sa taimtim na pagsambit nang
catamistamisang n~galan ni Jes�s.
Ama namin, Aba, Guinoong Maria, at Gloria Patri.
4. � pinagpalang Patriarca, malualhating San Josef, na pinayahagan n~g
Dios nang man~ga misterios nang pagsacop sa tauo, na cun totoong
nalumbay ang iyong pus�, niyong marinig mo ang hula ni Simeon, ucol sa
mahal na Pasion at pagcamatay ni Jes�s, at sa man~ga hapis na parang
sundang, na macasasaquit sa pus� ni Mar�a, ay nagcamit ca naman n~g
ligaya, niyong maalaman mo na marami ang magtatam� nang calualhatian
sa Lan~git, dahilan sa pagcamatay at moling pagcabuhay ni Jes�s.
Iniaamo namin sa iyo, pacundan~gan sa s�quit mong ito, at sa
humaliling ligaya, na cami ay mapaquibilang sa man~ga mapalad, na
magcacamit nang Lan~git, alang-alang sa man~ga carapatan ni
Jesucristo, at sa pamamaguitan ni Mar�a.
Ama namin, Aba, Guinoong Mar�a at Gloria Patri.
5. � lubhang main~gat na Guardian malualhating San Josef na nag alag�
at nagpacain sa Anac nang Dios, na nagcatauan tauo, at nahapis n~ga
ang iyong pus�, niyong icao ay buman~gon nang hating gabi, sapagcat
inutos n~g Dios na si Jes�s at si Mar�a, ay dalhin mo at itago sa
Egipto; dahilan sa pag usig ni Herodes, at malaqui naman ang iyong
ligaya, niyong icao ay pumasoc sa Egipto, at naquita mong nabual at
nasir� sa harap ni Jes�s ang man~ga �dolos, na sinasamba nang man~ga
egipcios.
Iniaamo namin sa iyo, alang-alang sa s�quit mong ito, at sa humaliling
ligaya, na cami ay lumay�ng madali sa man~ga pan~ganib nang
pagcacasala, at matutong sumupil at lumaban sa man~ga pitang hinguil
sa calupaan, na parang man~ga �dolos na dapat sirain, n~g cami ay
mabuhay na lamang sa pag lilingcod cay Jesus, at cay Mar�a, at maihain
namin sa canila ang hul�ng paghin~ga.
Ama namin, Aba, Guinoong Maria, at Gloria Patri.
6. � masintahing Patriarca, malualhating San Jos�f, na naquita mo ang
pagcamasunurin sa iyo ni Jesus, Hari nang Lan~git, at icao ay lubhang
nabalisa, pangagaling mo sa Egipto, sapagcat humalili sa malupit na
Haring Herodes ang anac niyang si Arquelao, at nagcamit ca nang
ligaya, niyong sabihin sa iyo nang Angel na icao ay umu� sa Galilea,
at mamayang tahimic sa Nazaret, casama si Jes�s at si Maria.
Iniaamo namin sa iyo pacundan~gan sa s�quit mong ito, at sa humaliling
ligaya, na iligtas mo cami sa man~ga tacot, na nacasisira nang
capayapaan n~g loob na ualang sala, nang cami ay mabuhay na tahimic,
sa pag-ibig cay Jes�s, at cay Mar�a, at sa man~ga camay nila
maihabilin ang man~ga caloloua namin sa horas nang camatayan.
Ama namin, Aba, Guinoong Mar�a, at Gloria Patri.
7. � magandang uliran nang cabanalan malualhating San Josef, na
dahilan sa pagtir� nang Ni�o Jesus sa Jerusalen bagaman hindi mo
namalayan, at hindi mo casalanan ang nangyaring iyon, icao ay lubhang
nalumbay sa tatlong arao na siya ay hinanap mo, at na lubos naman ang
iyong ligaya, niyong siya ay maquita mo sa templo sa guitna nang
man~ga doctores, na naquiquinig, at nagtataca sa cabataan, at
carunun~gan niya.
Iniaamo namin sa iyo, alang-alang sa s�quit mong ito, at sa humaliling
ligaya, na cami ay tingnan mo at ipanalan~gin, nang si Jes�s ay huag
mauala sa amin cailan man dahilan sa casalanang mortal; at cun
mangyari sa amin ang ganoong capahamacan, ihin~gi mo cami nang tunay
at manin~gas na pagsisisi, nang matutuhan naming hanapin, at maquita
ang maauaing Jes�s: at hin~gin mo sa caniya na cami ay patauarin,
lalong lalo sa panahon nang pagpanao sa buhay na ito, nang macamtan
namin ang calualhatian nang Lan~git, at doon pur�hin sa casamahan mo
ang au� niya magparating man saan.
Ama namin, Aba, Guinoong Mar�a, at Gloria Patri.
* * * * *
=ANTIFONA.=
Sa icatlong puong taon n~g caniyang buhay ang Poon si Jes�s, ay
napapalagay na anac ni Josef: at si Josef n~gani ang pinili nang Dios,
na nag alaga cay Jes�s at cay Mar�a.
Ipanalan~gin mo cami, malualhating San Josef.
Nang mapatuloy sa amin ang m~ga pan~gaco ni Jesucristo.
=PANALAN~GIN.=
Pan~ginoon namin Dios, na sa mataas na carunun~gan nang iyong
pamamahal�, ay pinili mo si San Josef, na naguing Esposo nang
cabanalbanalan mong Ina: ipagcaloob mo sa amin, yayamang siya ay
quiniquilalang Pintacasi, at iguinagalang dito sa lupa, na cami ay
tulun~gan nang macapangyarihan pamamaguitan niya sa Lan~git, na
tinatahanan mo, at pinaghaharian casama nang Ama, at nang Esp�ritu
Santo magparating man saan. Amen.
_Ipagdasal nang isang _Aba po, Santa Mar�a, _ang man~ga caloloua sa
Purgatorio._
MAN~GA PAGNINILAY NA BABASAHIN SA PITONG ARAO NA DOMINGO.
=UNANG DOMINGO.=
_Sa capurihan nang s�quit at ligaya ni San Josef, niyong mapagmasdan
ang cabuntisan ni Mar�a, calinislinisang esposa niya._
Sa Comunion nitong unang Domingo, ay pasasalamatan si San Josef
dahilan sa pagtin~gin niya, at paglilingcod cay Jes�s, at cay Mar�a.
Ang indulgencia plenaria ipatutungcol sa man~ga caloloua sa
Purgatorio, na lalong umibig cay San Josef.
Pagninilay sa unang Domingo.
Si Mar�a at si Josef sa tapat na pagmamahal, at pananatili sa
calinisan n~g pagca Virgen, ay parang dalauang Angeles na nabuhay sa
munting bahay, na tinahanan nila sa Nazaret. Datapua niyari nang Dios
sa cataoan nang mahal na Virgen ang daquilang misterio nang caniyang
au� at capangyarihan, sapagcat ang Esp�ritu Santo ay nuha sa tian ni
Mar�a nang caonting dug�, na guinauang catauan nang sangol na lalaqui,
at lumalang nang isang mahal na caloloua, na isinama sa cataunang
yaon, at inilangcap n~g Dios Anac ang caniyang Persona sa nasabing
c�tauan at caloloua, at nayari ang misterio nang ENCARNACION, �
pagcacatauan tauo nang Divino Verbo. Ang himalang ito ay hindi
namalayan ni San Josef, at cay� hindi masabi ang caniyang pagtataca,
niyong maquita ang cabuntisan nang calinislinisang Esposa niya, na
hindi naalaman, cun ano ang nangyari.
N~guni sa lagay na iyon, ay hindi ipinahintulot nang Dios na si Josef
ay maghinal� nang anoman, laban sa tapat na loob nang Reina nang
malilinis na loob. Pinatototohanan ni San Agustin, na sa arao nang
Desposorios, pag labas ni Mar�a sa templo, ay sinamahan na, at
inihatid ni San Josef sa sariling bahay niya, at mula niyon ay
napagmasdan ang cabaitan, ang cahinhinan, at ang dalisay na calinisan
nang mahal niyang Esposa, at naquita naman na ang bun~gang dala sa
tian, ay hindi nacasisir�, cundi bagcus nacadagdag nang ningning at
cariquitan nang caniyang pagca V�rgen.
At yayamang talastas ni Josef ang nasasabi sa Escritura Sagrada, na
dumating na ang panahon nang pagparito nang Mesias, na ipan~gan~ganac
nang isang V�rgen, ay agad isinaloob na si Mar�a ang mapalad na
piniling Ina, sapagcat siya ang lalong malinis, at lalong banal sa
V�rgenes na lahat, at hindi mapaghihinalaan nang carupucan sa anomang
bagay, na laban sa catuiran.
At inisip ni Josef sa malaquing cababaan nang loob niya, at sa hindi
mapauing balisa, na hindi dapat sa caniya ang maquisama sa
camahalmahalang Virgen, at maturang Esposo nang Ina nang Dios, at
minagaling ang umalis, at humiualay sa Reina nang m~ga V�rgenes;
datapua sa pagtulong niya, ay naquita ang Angel na sinug� nang Dios,
at nan~gusap nang ganito: _Josef, na anac ni David, huag cang manimdim
nang anoman sa paquiquisama mo cay Mar�a, sapagcat ang bun~gang na sa
tian niya, ay gaua at lalang nang Esp�ritu Santo._ At naguising na
tahimic si San Josef, dahilan sa malaquing ligayang humalili sa lumbay
at hapis niya, at lal� at lalong minahal at iguinalang si Mar�a, na
quiniquilalang Esposa, at Ina nang Mesias na Mananacop.
_Dasalin n~gayon ang man~ga panalan~gin nang pitong saquit at pitong
ligaya, mula sa pagina. 9 hangan sa pagina 16._
=ICALAUANG DOMINGO.=
_Sa capurihan nang s�quit at ligaya ni San Josef, niyong ipan~ganac ni
Mar�a sa Belen ang Anac nang Dios._
Sa Comunion nitong icalauang Domingo, ay pasalamatan si San Josef,
dahilan sa man~ga biyayang iguinagauad sa atin nang macapangyarihan
pamamaguitan niya.
Ang indulgencia plenaria ipatutungcol sa man~ga caloloua sa
Purgatorio, na sadyang nauili sa devocion sa SANTA FAMILIA.
Pagninilay sa icalauang Domingo.
Alinsunod sa utos ni Ces�r Augusto, si Mar�a at si Josef ay naparoon,
at napasulat sa Belen, sa pagcat sila ay man~ga tauo nang lahi at
angcan ni David, na taga roon, at sa Ciudad na iyon inibig nang Dios
na ipan~ganac ang Mesias. �Anong laqui nang lumbay at hapis ni San
Josef, sapagcat ualang ibig magpatuloy sa caniya sa boong Ciudad, at
sa pilitang napalual sa bayan, at dinala at ipinasoc si Mar�a sa isang
yun~gib, na quinacanan at sinisilun~gan nang man~ga hayop! Ang man~ga
arao na yaon ang lalong maguinao sa loob nang ta�n, at ang V�rgen
Mar�a ay nan~ganac sa ganoong cahirapan at caguipitan, at inilagay ang
mahal niyang sangol sa sabsaban, at siya ang unang sumamba at humalic
sa Anac nang Dios, na sa pagca tauo ay anac naman niya.
At malaquing ligaya ang humalili sa casaquitan nang pus� ni Josef,
sapagcat ang yun~gib nang Belen, at ang man~ga lupang caratig, ay
biglang lumiuanag, at lubhang cauiliuili ang ban~g�ng humalimuyac,
pagsilang nang Mesias: at naquita niya ang pagdating nang maraming
Angeles, na nagsasaya at pumupuri sa Dios, at dumalo naman ang man~ga
pastores, na nag aalaga nang hayop sa man~ga nayong yaon, at silang
lahat ay paraparang natutu�, at lumuhod at sumamba sa mahal na Ni�o.
Binalot ni Mar�a ang catamistamisang Anac niya, na nahihig� sa
caonting diaming malamig, quinalong at niyacap nang manin~gas na
sinta, at iguinauad sa calinislinisang Esposo niyang si Josef, at si
Josef ay lumuhod na nagpacababa, tinangap at quinalong, niyacap at
hinagcan ang Dios na sangol, inialay sa caniya ang boong pus� at
caloloua, ang buhay at lacas, at moli at moling napasalamat, sapagcat
siya ay quiquilalanin, at matuturang Ama nang Anac nang Dios na
nagcatauan tauo.
Mapalad si Josef, at naquita niya at niyacap ang mahal na Mesias, na
pinagbuntuhang hinin~ga, at ninasang maquita nang man~ga Santos
Patriarcas at Profetas: n~guni cun sa hapis nang caniyang pus� ay
humalili ang catamisan nang ligaya, ang ligaya niya ay hindi
nacapapaui nang capaitan n~g hapis, sapagcat ang ligaya at ang hapis
niya, ay ualang pinangagalin~gan cundi ang pag ibig, at ganoon ang
talaga at calooban nang Dios sa caniya.
=ICATLONG DOMINGO.=
_Sa capurihan nang s�quit at ligaya ni San Josef dahilan sa
circuncision � pagtulo nang dug� nang mahal na sangol, na pinan~galang
Jes�s._
Sa Comunion nitong icatlong Domingo, ay hin~gin natin cay San Josef
ang caniyang mahal na bend�cion, at ang pagbabalic loob nang man~ga
caauay nang Santa Iglesia.
Ang indulgencia plenaria ipatutungcol sa man~ga caloloua sa
Purgatorio, na lalong magalin~gin nang Dios, dahilan sa tan~ging
devocion sa camahalmahalang dug� ni Jesucristo.
Pagninilay sa icatlong Domingo.
Ang Mesias na naparito, nang maguing ulir�n natin sa pagsunod sa
man~ga utos nang Dios, ay nagtiis nang saquit nang circuncision sa
icaualong arao nang pan~gan~ganac sa caniya, at si San Josef ang
sumugat nang mahal niyang cataoan, ayon sa sinasabi nang maraming
pantas. Dilidilihin natin n~gayon ang antac nang hapis ni Josef niyong
maquitang tumul� ang dug� nang Anac nang Dios, na natuturang anac
niya, at bagaman ang israelitas na lahat ay sumusunod sa ganoon utos,
ang pag-ibig nila sa canicanilang m~ga anac, ay hindi aabot sa taimtim
at laqui nang pag-ibig ni Josef sa tunay na Anac nang V�rgen Mar�a,
Dios na quiniquilala at sinasamba.
Nasactan ang pus� ni Josef sa naquitang dug�, sa narinig na iyac nang
mahal na Ni�o, at sa napagmasdang hapis nang cabanalbanalang Esposa
niya; datapua tinutularan si Abrahan, niyong talagang pupugutan si
Isaac, at inihain sa Dios Ama ang dug�ng tumul�, sa matibay na
pananalig na ang dug�ng yaon ay mabubuhos na lahat sa Calvario, nang
masacop ang sangcatauohan, at natatalastas n~ga niya ang sasapiting
hirap, at pagcamatay sa Cruz n~g masintahing Anac ni Mar�a.
At humalili ang ligaya sa hapis ni Josef, dahilan sa catamis�n nang
n~galang Jes�s, na itinauag niya sa mahal na Ni�o, alinsunod sa utos
nang Dios, na ipinahayag sa caniya nang Angel.
�Sino ang macapagsasaysay nang puspos na galang pananalig at p�g-ibig
ni Josef, sa pagsambit nang camahalmahalang n~galan ni Jes�s? Ang
n~galang Jes�s ay capurihan nang man~ga Angeles, alio nang nalulumbay,
pul�t na ualang casing tamis, auit na lubhang mariquit, pagcaing
masarap na hindi nacasusuya, mahal na tubig na hangang iniinom, ay
lalong napipita, sandatang catacot tacot na mailalaban sa boong
Infierno.
Hin~gin natin cay Jes�s ang manin~gas na pag-ibig, sa pagsambit nang
n~galan niya sa anomang hirap at pan~ganib, at sa man~ga tucso nang
Demonio, at lalong lal� sa panahon nang pagpanao sa buhay na ito, nang
tayo ay magcamit nang magandang camatayan.
=ICAAPAT NA DOMINGO.=
_Sa capurihan nang s�quit at ligaya ni San Josef, sa misterio nang
Purificacion ni Mar�a, niyong ihain si Jes�s sa templo nang
Jerusalen._
Sa Comunion nitong icaapat na Domingo ihain natin si Jes�s sa Dios
Ama, ayon sa na sa loob ni Mar�a at ni Josef, niyong sila ay pumaroon
sa templo.
Ang indulgencia plenaria ipatutungcol sa manga caloloua sa Purgatorio,
na lalong nacaragdag at nagpasulong nang devocion cay San Josef.
Pagninilay sa icaapat na Domingo.
Pinili nang Dios Ama ang mapalad na si Josef, na naturang Ama ni
Jes�s, at pinagcalooban siya nang tunay at manin~gas na pagibig sa
bugtong na ito, na lubhang quinalulugdan. Cay� niyong si Mar�a ay
pumaroon sa templo, nang maihain ang Ni�o Jes�s, at maganap ang utos
nang Ley ni Moises, ay lubhang nalunusan ang masintahing si Josef,
sapagcat narinig doon ang sinabi nang Profeta Simeon, ucol sa madlang
hirap at pagcamatay ni Jes�s, at sa man~ga hapis na parang sundang na
macasasaquit sa pus� nang Virgeng Ina.
Hindi lihim sa bunying Patriarca ang misterio nang mahal na Pasion at
pagcamatay ni Jesucristo, yayamang talastas na si Jesucristo ay Dios
na nagcatauan tauo, at cusang magpapacahirap at mamamatay, n~g masacop
ang tauo, n~guni sa pan~gun~gusap ni Simeon, ay nanariu� at umantac
ang sugat nang pus� at parang naquiquita sa sandaling yaon ang pag
usig at pagdaquip cay Jes�s, ang man~ga tampal at hampas, ang m~ga
tinic na ipuputong, ang mabigat na Cruz, at ang m~ga pac�, at sa
catagang sabi, ang casangcapang lahat na gagamitin, sa pagpapas�quit
sa caniya.
At nalalaman naman ni Josef na si Jesucristo ay mananalo, at moling
mabubuhay sa icatlong arao nang caniyang pagcamatay, ay masisir� ang
capangyarihan nang Demonio, sapagcat ang tauo ay mahahan~g� sa pagca
alipin niya, at marami ang magcacamit nang Lan~git sa cabagsican nang
man~ga carapatang ualang hangan nang Mesias na Mananacop: at sa bagay
na ito ay napasalamat sa Dios ang Esposo ni Mar�a, at ang hapis nang
caniyang pus� ay binihisan nang malaquing ligaya.
Nagpacababa si Mar�a, sa pagsunod sa utos na hindi namimilit cundi sa
man~ga babaying nauaual�n nang pagca-v�rgen, at nagpacababa si Josef,
na tumalaga sa calooban nang Dios, niyong ihain sa templo ang mahal na
sangol sa icaapat na puong arao nang pan~gan~ganac sa caniya.
Tayo naman ay magpacabab� at umalinsunod sa calooban nang Dios, n~g
paquinaban~gan natin magparating man saan sa Lan~git ang mahal na
Pasion at pagcamatay ni Jesus.
=ICALIMANG DOMINGO.=
_Sa capurihan nang s�quit at ligaya ni San Josef, niyang dalhin niya
sa Egipto si Jesus at si Mar�a dahilan sa pag usig ni Herodes._
Sa Comunion nitong icalimang Domingo hin~gin cay San Josef na ilay� sa
atin ang anomang bagay, na nacasisir� � nacalalamig nang pagibig sa
Dios, sapagcat ang ganoong bagay, cun quinauiuilihan, ay parang �dolo
nang pus�, na dapat bumagsac at madurog.
Ang indulgencia plenaria ipatutungcol sa man~ga caloloua nang man~ga
Misioneros; na nagpaquilala cay San Josef sa man~ga bayang hindi
binyagan.
Pagninilay sa icalimang Domingo.
Hind� nalaon ang pangyayari nang hul� nang banal na Profeta Simeon, na
si Jesus ay uusiguin, at pagbabantaan nang masam�. Pagcaraan nang
ilang arao n~g paghahain sa caniya sa templo, ay guinising si Josef
n~g isang Angel, at pinagsabihan na siya ay buman~gong madal�, at
dalhin agad sa Egipto si Jesus at si Mar�a, sapagca,t, si Jesus ay
ninanasang patain ni Herodes, at inutos nitong Haring lilo na pugutan
sa Belen ang m~ga sangol, na ualang dalauang taon, at inisip na si
Jesus ay maramay sa ganoong patayan.
Nalubos ang hapis ni Josef sa biglang pagpanao na ito, sapagca,t, sa
cahirapan nang caniyang buhay hindi nacapaghanda nang anoman, malamig
ang panahon, mapanganib ang dadaanan, ang V�rgen Mar�a ay labing anim
na taon ang edad, at ilang lingo lamang ang Ni�o Jesus: ang paroroonan
ay lubhang malay�, at bayan nang hindi sumasamba sa Dios na totoo.
�Macailan cay�ng nagutom, at nauhao si Mar�a at si J�sef sa
paglalacbay na yaon, macailang nabas� n~g ul�n, na ualang masilun~gan?
Dumating sila sa Egipto sa icalaoang buan n~g canilang pag lalac�d, at
pagpasoc doon, ay naligaya naman si San Josef, sapagca,t, nadamdam�n
nang m~ga Demonios, na naroon, at nananah�n sa man~ga �dolos, na
sinasamba nang man~ga egipcios, na si Jes�s ay na sa harap nila, at sa
hindi matiis ang bagay nang nacapangyayari sa lahat, ay nan~ginig sila
at lumayas, at sa bagay na ito ang man~ga �dolos na natutuntong sa
batong m�rmol � sa guint�, ay nabual at lumagpac, at nadurog na lahat.
At natu� naman si Josef sa Egipto, sa paquiquinig nang man~ga unang
pan~gun~gusap nang Ni�o: Jes�s, na lubhang guiniguilio nang V�rgeng
Ina, at siya ay tinatauag na Ama, iguinagalang at minamahal, inaalio
at parating pinagpapaquitaan nang loob.
=ICAANIM NA DOMINGO=
_Sa capurihan nang s�quit at ligaya ni San Josef, niyong siya umu� ay
sa Nazaret, galing sa Egipto pagcamatay ni Herodes._
Sa Comunion nitong icaanim na Domingo ipanalan~gin sa Dios ang Santo
Papa, at hin~gin ang cagalin~gan nang Santa Iglesia.
Ang indulgencia plenaria ipatutungcol sa man~ga caloloua sa
Purgatorio, na nagtaglay nang n~galang Josef sa buhay na ito.
Pagninilay sa icaanim na Domingo.
Pitong taong tumahan sa Egipto si Jesus, Mar�a, y Josef, at sila
n~gani ay parang man~ga caauaauang pinapanao sa lupang yaon, at
malaqui ang paghihirap nila, at ang casalat�n sa man~ga bagay na
cailan~gan sa buhay, uala silang matacbuhan, at ang m~ga id�latras na
taga roon, ay hindi marunong maau� sa man~ga mahirap.
Datapua hindi dumaing, � nabugnot ang Santo Patriarca, at sa lubos na
pagalinsunod sa calooban nang Dios, ay lubhang nacaaali� sa caniya, at
sa mahal na V�rgen, ang pag laqu�, at ang pag ibig sa canila nang Ni�o
J�sus. Sa lagay na iyon ibinalit� nang Angel ang masam�ng pagcamatay
nang malupit na Haring Herodes, at pinagsabihan si Josef na huag
matacot, at siya ay macauu� na sa bayang pinangalin~gan.
Napasalamat sa Dios si Josef, sapagcat natapus ang panahon nang
pagtahan sa Egipto, at gaano man ang hirap, ay lumacad na siya, casama
si Jesus at si Mar�a; datapua nahapis ang caniyang pus�, pagdating sa
Judea, at ang dinatnang Hari ay si Arquelao, anac nang lilong si
Herodes, at hindi siya tumahimic at naligaya, hangan sa pinagsabihan
nang Angel na si Jesus at si Mar�a ay dalhin niya sa Galilea, at doon
sila tumahan sa Nazaret.
Tingnan natin at isaloob cailan man ang pan~gin~gilag ni Jes�s sa
man~ga pan~ganib, cahit siya ay Dios na nacapangyayari sa lahat, nang
tayo ay matutong lumay� at man~gilag sa m~ga pan~ganib nang
pagcacasala.
=ICAPITONG DOMINGO.=
_Sa capurihan nang s�quit at ligaya ni San Josef, niyong si Jes�s ay
nauala at hinanap, at sa icatlong arao ay naquita sa templo nang
Jerusalen._
Sa Comunion nitong icapitong Domingo ihain ang pus� cay Jes�s, Mar�a,
y Josef, at ticahing gaoin at ialay ta�n ta�n itong devocion nang
pitong arao na Domingo.
Ang indulgencia plenaria ipatutungcol sa man~ga caloloua sa
Purgatorio, na sa buhay na ito ay nanatili sa naturang devocion.
Pagninilay sa icapitong Domingo.
Alinsunod sa ugaling hindi sumasala ta�n ta�n, ay dumalao sa templo
nang Jerusalen si Mar�a at si Josef casama ang Ni�o Jes�s, na ang edad
ay labin dalauang ta�n, at sa pagdalao na ito ay natir� sa templo si
Jes�s, at hindi namalayan ni Mar�a at ni Josef, cundi niyong sila ay
dumating sa bahay, at ang mahal na Ni�o ay uala.
Hindi lubhang catacataca ang nangyaring ito, sapagcat sa panahong yaon
ang man~ga lalaqui ay nabubucod sa man~ga babayi sa loob nang templo,
at sa pag lacad naman, at ang man~ga bat� lamang na para ni Jes�s ang
nacahahal�, cun saan nila ibig, cay� inisip ni Mar�a na si Josef ang
casamang umaacay sa Ni�o, at inisip ni Josef na ang Ni�o ay hindi
lumalayo sa mahal niyang Ina.
Hindi n~ga casalanan � capabayaan ni Mar�a at ni Josef, ang pagcauala
ni Jes�s, cundi calooban nang Dios, nang lalong magnin~gas, at
madalisay ang pag ibig nila. Nalumbay si Mar�a, at nabalisa at nahapis
si Josef, sa hindi maisip cun ano ang dahilan nang pagcauala ni Jesus,
at cun ano ang nangyayari; datapua hindi dumaing, at hindi nasir� ang
loob niya, at malaquing ligaya ang quinamtan sa icatlong arao nang pag
lalacad casama si Mar�a, sapagcat naquita nila sa templo si Jes�s, na
nacaup�, at naquiquipagsagutan sa man~ga pantas, na nagpulong doon, at
lubhang nagtataca sa mataas na carunun~gan nang batang caharap.
Iam� natin sa pamamaguitan ni Mar�a at ni Josef, na huag tayong
mahulog cailan man sa casalanang mortal, nang huag mauala sa atin si
Jes�s, at siya ay mapanood sa calualhatiang ualang han~gan.
_Man~ga salitang nagpapaquilala nang malaquing aua at capangyarihan
nang Patriarca San Josef sa man~ga biyayang nacamtan nang man~ga
mauilihin loob sa caniya._
=SA UNANG DOMINGO.=
1. Dalaoang religiosos nang �rden ni San Francisco, na nag lalayag sa
dagat na malapit sa Flandes, ay dinatnan nang caquilaquilabot na sam�
nang panahon, at sa dahas nang vagui�, ay tatlong daang tauo ang
napahamac sa nasira at lumubog na sasaqui�n; n~guni sa au� nang Dios,
ang naturang dalaoang religiosos ay nacatan~gan sa isang cahoy nang
sasaquiang nabacbac, at sa paninimbulang yaon ay tatlong arao silang
lumutang-lutang sa malaquing pan~ganib, sapagcat cun mauala ang cahoy
sa cahinaan nila, � sa hampas n~g alon, ay ualang sala ang pag lamon
n~g dagat sa canila. Sa caguipitang iyon ay naalaala nila, at lubos na
inasahan ang macapangyarihang tulong ni San Josef, na dating
quinauiuilihan nang canilang devocion: nanalan~gin sila, at
napaampon, at humup� naman ang han~gin, at humusay ang panahon, at
tumahimic ang dagat, at sila ay umasang macaliligtas. At nalubos ang
canilang tu� sa pagpapaquita nang isang calugodlugod at mahal na bagon
tauo, na bumati sa canila, at nagpalacad na parang piloto sa cahoy na
quinalalaguian nila, at sila ay nagcapalad na madal�ng sumapit sa
lup�. Nagpatirap� ang dalauang religiosos, at napasalamat sa magandang
loob, na nag ligtas sa canila at sa pagpapahayag n~g tunay na
paquilala nang biyayang tinangap ay tinanong nila ang bagontauo, cun
sino siya, at ang bagontauo ay sumag�t nang ganito: _Aco ay si Josef,
cun ibig ninyong gumaua nang caonting macalulugod sa aquin, arao arao
huag sumala, ay magdasal cay� nang taimtim sa loob nang pitong Ama
namin, at pitong Aba, Guinoong Mar�a, alaala at ganti sa pitong s�quit
at pitong ligaya, na totoong dinamdam nang aquing pus� at caloloua,
niyong aco ay nabubuhay sa lup�, casama ni Jesus at ni Maria._
Pagcapan~gusap nang ganoon, ay nauala ang bagontauo, at sila ay
lubhang natu�, at nalubos ang pag ibig nila, at pagnanasang
maglingcod, hangang nabubuhay, sa maualhating Pintacasi.
Sa nangyaring ito ay naquiquita natin ang pagtatapat, at madaling
pagtulong ni San Josef sa man~ga mauilihin loob sa caniya, cun siya ay
tinatauag sa man~ga hirap at pan~ganib, at ang cagandahan nang loob
niya sa caonting hinihin~gi, bagaman lubhang mahalaga ang ibinibigay,
at hindi n~ga hamac na biyay� ang buhay nang dalaoang Franciscanos, na
inin~gatan at inagao sa cabagsican nang dagat.
Mahalin natin at harapin ang devocion nang pitong s�quit at pitong
ligaya ni San Josef, nang tayo ay marapat magcamit nang au� at tulong
nitong macapangyarihang Pintacasi, yayamang ipinahayag niya, at
sinabing maliuanag, na siya ay totoong nalulugod sa naturang devocion.
=SA ICALAOANG DOMINGO=
2. Sinasalita nang Priora nang isang convento, na isang casama niyang
monja, na ang edad ay dalaoang pu� at ualong taon, at dating malacas
at magaling, ay nacaramdam nang saqu�t sa lalamunan, at pagdaca ay
namaus at nauala tuloy ang tinig niya, at umabot ang saqu�t hangan sa
sicmura: at sa parating dinadamdam na malaquing cabigatan, at
casiquip�n nang dibdib, at licod, ay naquilala nang man~ga m�dicos at
ipinahayag nila, na ang saqu�t nang monja ay na sa dibdib, at ualang
gamot na macagagaling. Hindi nasir� ang loob namin sa ganoong hirap,
ang uica nang Priora, at cami n~ga ay dumulog at nanalig sa Poon San
Josef, na moli at moling ipinagsiam na arao namin, cahit ualang
naquiquitang caguinhauahan. Sa lagay na yaon, sapacat ang monja ay
lubhang mahin�, ipinahatid namin sa enfermeria � silid nang man~ga
maysaquit ang mahal na larauan ni San Josef, at cami ay umilao sa
paghahatid na parang procesion, at minulan namin sa enfermer�a ang
devocion nang pitong arao na Domingo, na totoong nacalulugod sa Santo
Patriarca.
Dinaanan nang malaquing hirap ang caauaauang maysaquit sa loob nang
icapitong ling�, at siya ay nalulumbay, at cami naman, at ang isip
namin ay mamamatay na; n~guni sa sumunod na arao nang Domingo ay
nagnasang pumaroon sa coro; at humarap sa bendicion nang Sant�simo, at
nangyari ang nas� niya, sapagcat inacay namin, at pagdating doon, ay
nan~gan~gapus ang hinin~ga. Niyong itinaas nang Sacerdote ang
Sant�simo, at iguinauad ang bendicion, naisipan nang maysaquit ang
maquiau�t sa man~ga ibang religiosas, at nahalata sa ganoong
pagpipilit na siya ay ualang tinig, datapua iyon ang sandaling pinili
nang mahal na Esposo ni Mar�a, nang matanyag ang macapangyarihang au�
niya. Nasalubong co ang maysaquit, na nangagaling sa coro, at parang
nan~gin~ginig na nan~gusap nang ganito: _Maliuanag na n~gayon at
matunog ang aquing tinig._ At sumama sa amin sa coro, at doon dinasal
na malacas ang letania cay San Josef.
Caming lahat ay parang naualan nang loob, at siya ay nilibot namin,
at pinaquingan, sapagcat ualong buang nauala ang tinig niyang iyon, at
hindi matapustapus ang man~ga tanong namin sa caniya, at cami ay
totoong nagtataca sa malaquing biyayang ipinagcaloob ni San Josef sa
iniirog na capatid namin: at gumaling na siya, at lumacas na para nang
dati mul� niyon, at nagaganap na ang man~ga catungculan niya.
=SA ICATLONG DOMINGO.=
3. Isang mabait na babayi sa caharian nang B�lgica ay sumulat sa
caibigan niya,[6] na isang matandang lalaqui, na totoong minamahal
niya, at pinagnanasaan nang magaling, ay nabubuhay na parang, hindi
binyagan, at nilimot na ang Dios, at hinamac ang caniyang caloloua,
yayamang tatlong pu� at limang taong mahiguit na hindi dumudulog sa
Confesion, at ayao nang anomang devocion: at bagaman hindi miminsang
inam� nang man~ga caibigang; dapat caalangalan~ganan, at dinatnan
naman nang sarisaring sacun� at hirap sa talaga nang Dios, ay hinamac
na lahat, at lumagui sa catigasan nang loob. Catapustapusan ay
nagcasaquit, at lumubh� ang lalaquing ito, at sa lagay na iyon ay
nabalisa ang maauaing babayi, na dating tumitin~gin sa caniya, at sa
paghanap nang magagaling na paraan, nang huag mapacasam� ang
calolouang yaon na tinubos ni Jesucristo nang caniyang dug�, ay
naalaala ang malaquing capangyarihan nang pagdal� ni San Josef sa
tauong mamamatay, at iniam� sa Santo Patriarca na siya ay tulun~gan,
at ipinan~gacong dadasal�n sa pitong arao na Domingo ang dating
quinauiuilihang devocion nang caniyang man~ga s�quit at ligaya, nang
macamtan ang tunay na pagbabalic loob nang lalaquing nararatay, na
ipinananalan~gin niya.
At madal�ng namun~ga nang maganda ang paghin~g� nang au� sa Poon San
Josef, sapagcat sa unang Domingo ay dinalao ang maysaquit nang isang
Sacerdote, at ito ay tinangap na mahusay, at pinagsabihan na ibig niya
ang Confesion: at nagpaquita nang taimtim na pagsisisi, at
quinabucasan ay hinin~gi ang Vi�tico, at ang Oleo Santo: at cahit
hindi na macacaya sa lubos na cahinaan, ay nagpilit na lumuhod sa
hihig�n, at paluhod na tinangap si Jesucristo, na mahabang arao na
nilimot: at mul� niyon at tumahimic, at naquitaan nang casayahan
hangan sa namatay.
=SA ICAAPAT NA DOMINGO=
4. Isang dalagang mabait na ang n~galan ay Josefa, mauilihin loob sa
Virgen Mar�a, sapagcat mul� sa cabataan ay naramdaman na siya ay
natatalaga s� calagayan nang man~ga Hermanas de la Caridad, ay
umalinsunod sa tauag at calooban nang Dios, at sa icalabing pitong
taon nang malaquing casipagan, sa pagganap nang man~ga catungculang
ipinagcatiuala nang man~ga pun� sa caniya, at pagcatapus nang taon
nang pagsuboc, � a�o de noviciado, ay natuloy na ang pagsosoot niya
nang h�bito. Pagcaraan nang labin dalaoang taon, ay tinucs� at
pinagdayaan nang Demonio, na nag anyong Angel na magaling, ayong sa
ipinahayag niya sa hul�ng panahon, at nag bago na n~ga nang loob, at
inisip na siya ay dapat magculong sa isang monasterio, at nasunod ang
nas� niya; datapua mul� niyon ay naualan siya nang catahimican at
capayapaan, palibhasa ay naligao, at lumihis sa daang itinur� nang
Dios, at bagaman pinagsaquitang ganapin nang tapat ang man~ga
catungculan nang bagong calagayan, ay hindi napapaui ang balisa at
pamamanglao niya, at ang nasapit ay humin� ang cataoan, at nahapay ang
loob, at pilit na umu� sa bahay. Tiningnan siya, at inalagaang
magaling nang caniyang familia; at ganoon man ay hindi siya mapalagay,
at parating ipinagbubuntong hinin~ga ang unang calagayang iniuan: at
limang buan na nag amoam� sa man~ga dating pun�, na siya ay moling
tangapin, at hindi naman pinaquingan.
Naghain sa Dios nang sarisaring novenas, � pagsisiam na arao, nagtiis
nang hirap nang ayuno, at man~ga ibang pas�quit, at pumasoc sa ibang
convento, sapagcat siya ay ayao tangapin sa inalisan; n~guni anoman
ang gaoin, at saan man pumaroon, ay hindi mapalagay, at parating
iquinababalisa ang nagauang sala. Sa ganoong hirap ay hinatulan nang
isang caibigan na siya ay paampon cay San Josef, at ialay sa maauaing
Patriarca ang devocion nang pitong arao na Domingo: at minagaling niya
ang hatol, at inasahang cacamtan sa buan nang Marzo ang biyayang
ninanas�. Anim na lingong nagtiag� sa taimtim na pag amo cay San
Josef, na siya ay tulun~gan, at sa icalabing pito nang naturang buan
ay naquilala ang au� nang Dios sa caniya sapagcat sa arao na yaon ay
nasalubong siya nang dating pun�, at sa pagquiquita nila, ay nahabag
sa lagay niya at pagsisisi, ay siya ay moling tinangap sa inalisang
comunidad, cun matapus niya ang a�o de noviciado, na para nang una.
Sa icalabin siam nang Marzo, arao nang fiesta ni San Josef, ay moling
isinoot ang iniuang mahal na h�bit�, at mul� niyon ay tumahimic ang
loob niya, at nacamtan nang caloloua ang capayapaang nauala.
=SA ICALIMANG DOMINGO.=
5. Sinasalita nang isang may catungculang dumalao, at magdala nang
limos na sa ilang mahirap, alinsunod sa Regla ni San Vicente de Paul,
na siya ay dumadalao sa isang mag asauang caauaaua, na ang anac ay
lima, at ito ang naquita, at nangyaring pinatototoohanan niya. Ang ama
ay may s�quit sa hospital, at ang anac na buns�, na si Pablo ang
n~galan, ay nahihig� naman, at cahabaghabag ang lagay, sapagcat ang
cataoan ay tuy�ng tuy�, at but� at balat na lamang, at cun iburol, ay
ual�ng hindi magsasabi na ang bat� ay bangcay na mistul�: at ang
dumalao na m�dico, ay nan~gusap nang ganito sa ina: _Ang anac mo ay
mamamatay na ual�ng sala: masasayang na totoo ang anomang ihatol,
sapagcat ang s�quit niya ay hindi matatalo nang anomang gamot._
Nagdalamhat� at nanambitan ang ina, pagcapan~gusap nang m�dico;
datapua biglang tumapang, at parang lumiuanag ang loob niya, at
inaasahang gagaling ang batang may saquit, niyong maalaala ang
devocion nang pitong arao na Domingo, na moli at moling nabasa sa
isang munting libro, na hindi pa nalalaong ibinigay sa isa sa man~ga
anac niya n~g tauong nagsasalita nito, at tinauag na n~ga, at
pinagsabihan ang caniyang apat na anac, na totoong cailan~gan ang sila
ay mag alay n~g isang novena, � pagsisiam na arao sa malualhating San
Josef, n~g gumaling ang capatid nilang si Pablo. At guinaua na nilang
taimtim sa loob ang pagsisiam, at madali namang nagpaquita nang aua si
San Josef, yayamang sa catapusan nang novena, lumacaslacas na, at
nacacain ang batang may saquit, at gumaling tuloy sa loob nang tatlong
lingo. Ito ay nangyari sa arao n~g Pascua nang ta�ng 1858, ang edad
nang bat� ay limang taon, matalas ang isip at pumasoc na sa escuela.
=SA ICAANIM NA DOMINGO=
6. Sa isang convento nang man~ga babayi sa ciudad nang Falalen,
provincia nang Namur, sa caharian nang B�lgica, ay nagcaroon nang
isang religiosa Inglesa,[7] na maraming pamangquing
protestante.[8] Dinalao ang religiosa nang isa sa m~ga nasabing
pamangquin, at sapagca,t, ito ay mairog at mababang loob, ay
quinalugdan n~g ale, at iniam� sa man~ga caibigan at casamang
religiosas, na pagtulun~gan nilang hin~gin sa Dios, na ang caniyang
pamangquin ay cumilala at sumuc� sa Santa Iglesia: at inaralan nang
caunti ang pamangquing napaalam. Pagdating nito sa Inglaterra, ay
hindi naalaala ang man~ga aral at bilin sa caniya; datapua ang mabait
niyang ale ay parating nananalan~gin cay San Josef, at hinihin~gi ang
pagbabalic loob nang caniyang pamangquin, at inaamong pilit ang m~ga
ibang religiosas, na siya ay tulun~gan: at tinipon nila ang m~ga
batang babaying nag aaral sa convento, at minulan ang devocion n~g
pitong arao na Domingo, na sinundan nang dalauang novenas; � pagsisiam
na arao, nang macamtan ang biyayang ninanas�. At parang napilitan ang
maauaing Patriarca, sapagcat ang batang na sa Inglaterra, ay hindi
napalagay sa nasang pumaroon sa B�lgica, at muling dalauin ang
caniyang ale, at pinahintulutan naman nang ina.
Nagtaca ang m~ga religiosas, niyong sila ay maquita, at quinilala nang
lahat, na ang pagdating doon nang bat�, ay gaua ni San Josef: at
napagmasdan na siya ay parang tulig, na ualang masabi cundi dadalauin
lamang ang caniyang ale. Sa bagay na iyon ay sin�quit ang paghin~gi
n~g au� sa Dios, at moling inialay sa mahal na Esposo n~g V�rgen Mar�a
ang devocion n~g pitong arao na Domingo. Pagcaraan nang limang ling�
ay naparoon sa convento ang Inglesita,[9] at moling dumalao sa ale,
datapua nalulumbay, at hindi matutong magsalita, isinaloob na siya ay
maysaqu�t, cahit ualang damdam, at nag acalang umu� sa bayan niya.
Nalumbay naman ang man~ga religiosas, at nan~gusap nang ganito sa
man~ga bata sa escuela: _Ang man~ga panalan~gin ninyo ay ualang
cabuluhan, sapagcat ang Inglesita ay protestante hangan n~gayon, at
siya ay uu� na._ At ang pitong pu� at tatlong batang naroroon, ay
sabay tumutol nang ganito: _Pagpapalain at paquiquingan ni San Josef
ang man~ga panalan~gin at pagpilit namin, at mabibinyagan ang
inglesita._ At quinabucasan ay muling nag alay sila nang isang
pagsisiam, na matatapus sa icapitong arao na Domingo, casabay nang
devocion nang siete Domingos:
Sa Lunes na sumunod ay naparoon ang inglesita sa convento, at talagang
paaalam sa ale, at sa man~ga ibang religiosas, datapua hindi siya
mapalagay, at nararamdaman sa loob niyang sarili ang pagtatalo nang
gracia at nang herejia.[10] Nagtagumpay ang gracia, at sa hindi na
siya macalaban sa tauag nang Dios, ay moling humarap sa can�yang �le,
at nagsabi na siya ay magsasaul� sa tunay na pananampalataya nang
caniyang man~ga magulang; at sa pan~gun~gusap nang ganoon, ay
nahahalat� ang malaquing casayah�n nang loob niya. Sabay na natapus
ang devocion nang Siete Domingos, at ang novena sa arao nang Domingo
26 nang Enero nang ta�ng 1868, at sa naunang Vi�rnes � 24 ay tinangap
n~g inglesita ang Santo Bautismo.
=SA ICAPITONG DOMINGO=
7. Isang bagontauong lahing guinoo, anac nang mababait na magulang, na
hindi nagpabay� munti man sa pag aalag�, nang tumibay sa loob niya ang
tacot at pag ibig sa Dios, ay parating nananalan~gin, nang matutong
pumili nang estado, � calagayang mararapat sa caniya, at
naquilalang magaling na siya ay dapat mag asaua; at itinuloy nang
malaquing nin~gas nang loob ang caniyang man~ga devociones, at minsan
isang ling� ay dumudulog sa Confesion at sa Comunion. At bagaman ang
caniyang man~ga magulang at familia ay minamahal sa bayan, at maraming
caibigang mayaman, at matataas na tauo, siya ay parating lumay� at
nan~gilag sa man~ga pagpupulong at liban~gang mapan~ganib, na madalas
naguiguing dahilan nang capahamacan at pagcasir� nang maraming lalaqui
at babaying nasisilao, at natutulig sa sandal�ng pagquiquita, at agad
nag iibigan, cahit ang isa ay lubhang alan~gan sa isa.
Naquilalang magaling nang bagontauong nababanguit sa salitang ito, na
sa Lan~git nangagaling ang mabuting pagsasama nang man~ga mag asaua,
at iniam� arao arao cay San Josef na siya ay pagcaloobang macaquita
nang babaying may loob sa Dios, at marunong lumaban sa man~ga tucso.
Isang arao naguing cailan~gan ang siya ay maquipagquita sa isang
babaying may dalaoang anac na dalaga, na paraparang mabait, at
masunurin sa man~ga utos nang Dios, at pagcaquita niya sa dalaga, ay
nacaramdam n~g tugtog sa loob, na isa sa canila ang itinalaga nang
Dios, na maguiguing asaua niya, at madaling pumayag ang ina, niyong
siya ay namanhic, yayamang naquiquilala ang cabaitan niya: at
nagpatotoo naman ang dalaga, na siya ay malaon nang humihin~gi sa Dios
nang mabuting cacasamahin, at pagcaquita niya sa bagontauong iyon, ay
naquilala na siya ang ibig nang Dios na maguing esposo niya.
Datapua lumabang mas�quit ang ama, at ayao mahiualay sa anac niya, at
sa caramihan nang dinadahilan, nang huag matuloy ang ninanasang pag
aasaua nang isa at isa, ay minagaling nilang lahat ang mag alay nang
devocion nang pitong arao na Domingo sa daquilang Patriarca San Josef,
nang maquilala ang calooban nang Dios sa ganoong bagay, na minsang
mayar�, ay hindi na masisir� hangan sa camatayan. Matatapus ang buan
nang Mayo nang ta�ng 1863, niyong mulan ang devocion, at sa au� nang
Dios, at sa tulong at pamamaguitan nang malualhating San Josef, ay
naraos at nayar� ang matrimonio sa buan nang Agosto: at ang amang
lumalaban at silang lahat, ay paraparang natu�, at napasalamat cay
Jesus, Maria, y Josef.
Iniclian co ang man~ga pagninilay, na nababasa sa uicang castil�,
sapagcat ang cahabaan nang binabasa, � nang man~ga panalan~gin, ay
madalas na nacalilibang lamang nang loob, at maraming marami sa
naquiquinig, ang ualang masabi, at ualang natatandaan, cun matapus ang
pagbasa. Ang mauilihin loob at matiag� sa pagninilay, sa paquiquinig,
� sa pagbasa, ay maquiquita sa ibang libro nang mahahabang babasahin �
dadasalin.
Isang Ama namin, isang Aba, Guinoong Maria, at Gloria Patri. sa
Pintacasi natin si San Josef, ang hinihin~ging parang limos na nang
tumagalog nitong mahal na devocion.
_B�nondoc, Mi�rcoles icalabin s�am na arao nang Agosto nang ta�ng
isang libo ualong daan pitong pu� at apat._
=Es propiedad
A. F. P.=
MGA TALABABA:
[1] Ang man~ga tunay na caibigan ay hindi nananaghili sa caguinhauahan
natin, at cun tayo ay na sa hirap, ay tumutulong � dumadamay sa
nacacayanan. Nota del traductor.
[2] Sa unang arao nang Febrero nang taong 1847.
[3] Sa icalauang puo at dalauang arao nang Marzo nang taong 1847.
[4] Ang dumadalao sa isang simbahan sa arao nang Comunion, ay dapat
magdasal doon nang anim na Ama namin, anim na, _Aba, Guinoong
Maria,_ at anim na Gloria Patri, ayon sa isinasaloob nang Santo
Papa.
[5] Ang man~ga tan~ging fiestas ni San Josef sa loob nang taon ay
tatlo 1. Ang caniyang Tr�nsito � pagcamatay, sa 19 nang Marzo. 2.
Ang caniyang Patrocinio � pagcacalin~ga, sa icaapat na Domingo mula
sa Pascua nang Resurecci�n. 3. Ang caniyang Desposorios � paguiguing
Esposo nang Virgen Mar�a, sa 26 nang Noviembre. Nota del traductor.
[6] Ang fecha nang sulat ay 29 nang Enero n~g taong 1866.
[7] Iglesia, ang babaying taga Inglaterra.
[8] Protestante, ang lumalaban sa m~ga aral nang Santa Iglesia.
[9] Inglesita: ang batang babaying taga Inglaterra. Nota del
traductor.
[10] Herejia ang pagtatua nang anomang bagay, na dapat
sampalatayanan, alinsunod sa aral nang Santa Iglesia Cat�lica
Apost�lica Romana. Nota del traductor.